Çka është Lash Lift dhe kujt i përshtatet

Lash Lift e ngre dhe e formon qerpikun natyral nga rrënja, pa shtuar asnjë fije. Rezultati zgjat rreth 6–8 javë — sa cikli natyral i qerpikut.

Si funksionon

Qerpikët vendosen mbi një silikon që përcakton formën, pastaj punohet me dy tretësira: e para i zbut lidhjet e keratinës, e dyta i fikson në formën e re. Në fund vjen ushqyesi.

Kujt i shkon

• Klientëve me qerpikë të gjatë por të drejtë, që “nuk duken”
• Atyre që nuk duan mirëmbajtje çdo 2–3 javë
• Sy të ndjeshëm që nuk e mbajnë mirë ngjitësin e zgjatjeve

Kufizimet — thuaji që në fillim

Mbi qerpikë shumë të shkurtër efekti është minimal: ngritja nuk e zëvendëson gjatësinë. Trajtimi nuk përsëritet para se të kalojnë 6 javë, sepse qerpiku ka nevojë të rikuperohet.

Zgjedhja e silikonit vendos gjithçka: shumë i vogël jep kthesë të thepisur që duket e thyer, shumë i madh jep ngritje që nuk vërehet.