Temperatura dhe lagështia — pse ngjitësi nuk po punon

Kur mbajtja bie papritur dhe ngjitësi duket “i prishur”, fajtori i parë që duhet kontrolluar nuk është shishja — është ajri i dhomës.

Pse ka rëndësi

Ngjitësit cianoakrilat polimerizohen me lagështinë e ajrit. Pa lagështi të mjaftueshme reaksioni nuk kryhet dot: ngjitësi mbetet i lëngshëm dhe fija nuk kapet. Me shumë lagështi dhe temperaturë të lartë ndodh e kundërta — thahet aq shpejt sa nuk arrin ta vendosësh fijen.

Vlerat për të cilat punohet

• Temperatura: 20–24 °C
• Lagështia: 45–60%

Këto nuk maten me ndjesi. Një higrometër i thjeshtë kushton pak dhe të tregon brenda sekondave nëse problemi është te teknika apo te dhoma.

Kujdes me kondicionerin

Kondicioneri dhe ngrohja e thajnë ajrin — pikërisht në ditët kur mendon se po krijon kushte të mira. Në verë me kondicioner dhe në dimër me ngrohje, lagështia bie shpesh nën 30%. Një lagështues i vogël në dhomë e zgjidh.

Shenja që ta thotë

Nëse ngjitësi fillon të gomëzohet mbi bazë dhe formon një cipë të trashë, ajri është shumë i ngrohtë ose shumë i lagësht. Nëse pika mbetet e shndritshme dhe e lëngshme gjatë, ajri është i thatë.